Impak op Onlangse en Komende Uitkerings
Hierdie uitstryking het verligting gebring vir beleggers in die fonds wie se planne onlangs uitgekeer het. En dit bied ’n mate van gerusstelling en stabiliteit aan beleggers wie se planne binnekort uitkeer.
Die grafiek hieronder toon hoe ’n belegging van R1 000 pm in die Stabiele Bonusfonds (met geen dekking) vanaf Junie 2000 tot Februarie 2020 sou gegroei het in vergelyking met soortgelyke gebalanseerde beleggingsfondse. Die uitstrykingsmeganisme het uitkerings gedurende die afgelope vyf jaar versterk terwyl aandelemarkte baie onbestendig was maar oor die algemeen lae groei getoon het.
Belegging van R1 000 pm in die Stabiele Bonusfonds en beleggingsfondse met soortgelyke bates
*Bron: Gebaseer op eie ontleding van Stabiele Bonusfonds en ASISA-data. Waardes wat aangedui word, is vir aftreeportefeuljes na beleggingskoste, maar voor produkfooie.
Aangesien bonusse jaarliks verklaar word, is tussentydse bonuskoerse van toepassing vir die tydperk vanaf die vorige bonusverklaringsdatum tot die eisdatum. Hierdie benadering is billik teenoor polishouers wat die fonds verlaat (as gevolg van ’n eis) asook diegene wat steeds in die fonds belê is.
Tussentydse bonusse sal normaalweg gelyk wees aan die laagste van die vorige jaarlikse bonus en die geprojekteerde jaarlikse bonuskoers wat na verwagting met die volgende jaarlikse bonusverklaring verklaar sal word.
Dit is moeilik om te voorspel wanneer markte van die impak van die pandemie sal herstel. Weens die volgehoue onbestendigheid wat verwag kan word en die onlangse beleggingsprestasie van die bates in die fonds, is die tussentydse koers tot vervaldatum en doodseise vanaf 1 Junie 2020 op 0% vasgestel.
Die grafiek hieronder toon die prestasie van verskillende tipes beleggingsfondse gedurende die eerste kwartaal van 2020. ’n Bonus van 0% beteken dat die planne wat uitkeer, teen onlangse verliese beskerm is.
Beleggingsprestasie gedurende Q1 2020 (%)
*Bron: Gebaseer op eie ontleding van toonaangewende fondse wat deur Sanlam-produkte beskikbaar is.